نكت مغربية .. لموووووت تاع ضحك و تفرقييييع

هادو واحد تلاتة ديال لفكارن (سلحفاة) تافقو باش بعملوا وجبة العشاء
مشاو لسوق عملوا في الطريق 100عام و هوما يوصلو
تقداو لخضر لي بغاو و التقدية داروفيها 20عام
سالاو راجعو لدار ضربوا واحد 100 سنة اخرا في طريق شويا وهوما يتفكرو بلا راه نساو لخبز
قالو لصغير فيهوم يمشي يجيبو ويقول ليهوم وعنداكم تاكلو قالو ليه ماتخافش
مشا دازت 100 عام لولا و تانيا و تالتا ورابعا .... شافوه تعطل قالو سافي اجي ناكلو
يالاه بغاو ياكلو و هو يخرج ليهوم مين ورا لباب و هو يقول ليهم يا شفتو مافيكمش التيقة




الأول : لقد كان عندي كلب يستطيع أن يميز بين اللص والرجل الشريف فيعض اللص.
الثاني : أين هذا الكلب؟ إني أحب أن أراه.

الأول : بعته لكونه عضني.


هداوآحد السقرآم .. جآو عندو قآلو ليه رآه الحآنوت ديآلك تحرق كآمل

هو يشري قنبة بآش ينتحر ..يآلله بغآ يديرهآ في عنقو بآش ينتحر هوما ايرجعوآ عندو
قآلو ليه سمح لينآ رآه غلطنآ ..

...هوآ يقول ليهم صآفي دآبآ لي عطآ الله عطآه... شرينآ القنبة

هادي قنية مريضة بزاف و ضارها راسها،
قال ليها الفكرون: ما تخمميش، أنا نمشي نجيب ليك الدواء.
القنية جلسات تسنى ساعة، ساعتين، حتى داها النعاس.
الغد ليه فاقت و الفكرون باقي ما رجع.
ناضت طلت من الشرجم لقاتو قدام الباب.
قالت ليه: طلق راسك، أنا اللي مكلخة معولة عليك.
قال ليها الفكرون: غادي تحترمي راسك أولا ما بقيتش غادي



هادا واحد مولف يتعشى ببيضة وحدة. واحد النهار قالت ليه مرته: اليوم درنا البيض و ماطيشة
و هو يقول ليها: آرا برع! جوج عشاوات

هادا جوج كانوا غادين ف الطريق
واحد قال لصاحبو: شوف شوف، طير ميت
ناض لاخور هز راسو للسما وقال ليه: فين؟ فين؟

هادا واحد الراجل دخل للدار ولقى مرتو ما وجداتش ليه العشا
الراجل كعا بزاف و طلع الدم، ودخل البيت وسد عليه
مرتو باش تحزرو، مشات عندو وقالت ليه: ندير ليك ماساج؟
قال ليها: والله وديريه حتى نلوحو ف الزبل
سولو واحد المكلخ: كيفاش دير إيلا بغيتي تصيد قنية؟
قال ليهم: غادي نتخبى مورا شي شجرة ونقلد الصوت ديال خيزو

هادي واحد البنت نص ساعة وهي كتهدر ف التلفون.
مللي سالات قالت ليها ختها: على سلامتك! كي درتي ساليتي ف نص ساعة؟
عادة كتشدي التلفون ساعتين
قالت ليها البنت: اه، راه غير النمرة غلط




هادي واحد الطلابة قالت لواحد المعلم: الله يرحم الوالدين عطيني باش نفرح الدراري
قال ليها: سيري قولي ليهوم راه ما كايناش القراية غدا



واحد مشى عند مول الشفنج، قال ليه: عطيني كيلو ديال الشفنج.
كلاه وما شبعش، قال ليه: زيد نص كيلو.
كلاه وما شبعش، قال ليه: زيد رابعة.
كلاه وهو يشبع، وقال تفوووووووو من اللول كنت ناخد غير رابعة.



واحد الكوري ديال القناين جا حدا واحد الفيرمة ديال خيزو.
مول الفيرمة ديما كينوض ف الصباح، ما كيلقى حتى خيزوة
عيا ما يتشكى لمول الكوري، ما دار ليه والو.
هو ينوض واحد المرة بالليل وحيد السنان للقناين كلهم ونعس مرتاح
ف الصباح ملي ناض، ما لقى تاني حتى خيزوة
هو يشد واحد القنية من ودنيها وقال ليها : كي درتو حتى كليتو خيزو؟
قالت ليه :درناه عثير و ثربناه كولو

واهد الراجل مخاصم مع مرتو. عيط ليها من الخدمة وقال ليها: أشنو دايرة للعشا؟
المرا كاعية، قالت ليه: السم
قال ليها: مزيان، إيوا غير تعشاي ونعسي راني غادي نتعطل اليوم ف الخدمة



واحد المكلخ شرى أيفون. شوية رجعو للمحل، وقال ليهم: ما حشمتوش؟ بعتوا ليا أيفون قديم
قالو ليه: باش عرفتيه قديم؟
قال ليهم: التفاحة اللي فيه معضوضة


واحد الولد سول باه: بابا أشنا هو الموديم؟
قال ليه باه: ما عرفتش أولدي.
قال ليه الولد: أشنا هي الانترنت؟
قال ليه باه: ما عرفتش أولدي.
قال ليه الولد: أشنا هي العولمة؟
قال ليه باه: ما عرفتش أولدي.
قالت ليه أمه: خلي عليك باك بركة من التبرزيط
قال ليها راجلها: لا، خلي الولد يستافد





واحد السبيطار ديال الحماق خرجوهم للشانطي باش يشوفوا شكون اللي دار عقلو.
قالوا ليهوم: اللي تلقى لشي طوموبيل نعطيوه طريف ديال ماروخا.
كلشي كيتلقى للطوموبيلات وكيتشتت،
إلا واحد بقى كيرواغ على الطوموبيلات،
وهوما يقولوا هادا مول العقل.
سولوه: علاش كتراوغ؟
قال ليهوم: كنتسنى شي رموك باش ندي باكيا كاملة ديال ماروخا





واحد المعلم ديال الابتدائي قال للتلاميد دياولو: أنتم رجال المستقبل، أنتم مصابيح الغد
وهو يوقف واحد التلميد وشير لصاحبو اللي ناعس على الطاولة حداه: أستاد أستاد، ها واحد البولة تسوطات





واحد الولد سول أمه: كون ما تزوجتيش بابا وما ولدتينيش وشفتيني عند الناس... تعرفيني؟





هادا واحد الراجل كان غادي ف الصحرا،
راكب حمار ومعاه كلب
وهوما ف الطريق، هدر الحمار وقال للراجل: واش مازال الطريق بعيدة؟
الراجل تصدم وشداتو الخلعة، أو! حمار كيهدر؟ هي مسكون!
ناض الراجل يجري يجري يجري يجري وتابعو كلبو
ملي عيى وهو يوقف.
وتما قال ليه الكلب: وايني خلعة خلعنا هاداك الحمار





هادا واحد الولد جالس ف بلاكة الطوبيس كيكمي وحداه مرا شارفة
المرا عيات مسكينة من الدخان وقالت ليه: شوف أولدي، واش ف راسك نتا اللي كتكمي كتدي عشرين بالمية من النيكوتين وأنا اللي كنشم الدخان كندي تمانين بالمية؟
الولد بقى يشوف فيها، شوية وهو يمد ليها ?ارو وقال ليها: الحاجة، خودي نتي عشرين بالمية وعطيني أنا تمانين بالمية





هذا وحد المش مبوق تابع واحد الفار،
وهو يهرب ليه وطلع مع القادوس.
تخبى المش ساعة ساعتين ما نزلش ليه الفار.
شوية هو يفكر مزيان وقال: هاو هاو هاو هاو.
الفار قال مع راسو: ما دام الكلب جا إذا المش هرب.
وملي نزل الفار لقى المش كيتسناه وكلاه.
وهو يقول المش مع راسو: الواحد في هاد البلاد إيلا ما كان عندو جوج لغات ما ياكلش طرف الخبز





هادا واحد ضراتو كرشو ومشى عند الطبيب.
سولو الطبيب شنو كليتي؟
قال ليه: بيمو ديال الدجاج.
فاش قلبو لقاه واكل كنور





واحد تالف سول واحد خينا : خويا عافاك أشنو أسرع طريق توصلني لصبيطار؟
قال ليه : غمض عينيك وقطع الشانطي

شكرااااا لك
موضوع مميز
بارك الله فيك

ههههههههه
مشكوووووووووووووور

شكرااااا لك
موضوع مميز
بارك الله فيك

hhhhhhhhh merciiiiii