لبست انا ثوب لاطولي ولاقصري ياطيبة القلب وين القلب ودآني

العذر مكتوب لاصـار الخطـا مقـري

آسف على ضحكتي وآسف على احزاني

خطـاي معـذور والا غلطتـي عـذري

و مرارة العذر فـي قلبـي وفـي لسانـي

مدري وش اللي ذكرت وضاق به صدري

مـدري وش اللـي نسيـت ولا تنسانـي

لبست انا ثـوب لاطولـي ولا قصـري

ياطيبـه القلـب ويـن القلـب ودانـي

سنتين من عمرها مـرت ومـن عمـري

سنتيـن احـس الزمـن فيهـا تعـدانـي

سنتين مرت حياتـي مـن ورا ظهـري

والحب سجنـي ومسجونـي وسجانـي

والشعر مطرود من قلبي ومـن فكـري

سنتين ماني ب انـا مانـي باحـد ثانـي

غنيـت للنـاس والدنيـا علـى خبـري

والشعر في دفتـري مغـرور وانسانـي

غنيـت للحـب يـوم عيونهـا تـغـري

يوم الوفـاء والكـلام الطيـب الحانـي

غنيـت للدمـع يوم البكـى كـبـري

واليوم انا اكبر من دموعـي وحرمانـي

اليوم ماعاد يمـدي اللـي جـرح يبـري

مليـت كثـرت خطاياهـم وغفـرانـي

مليت انا الشعر مل الشعر مـن شعـري

مليت انا الحـب مـل الحـب وجدانـي

و لو هي عليه عزيز النفس مـن صغـري

ماشاور القلـب فـي كرهـي لعدوانـي

ان رحت ياكثرهـم وان جيـت ياكثـري

ضاقت بي عيونهم لـو كنـت وحدانـي

تعبت وازريـت مامليـت مـن صبـري

ليـت الـذي راح منـي كثـر ماجانـي

احيان ودي اطيـح مـن التعـب وازري

و تشيلنـي عـزتـي وسـلـوم جـدانـي

__________________

[ندعوك للتسجيل في المنتدى أو التعريف بنفسك لمعاينة هذا الرابط]

» نصائح من القلب إلي القلب
» ***حبيب القلب ****
» حضور القلب في الصلاة