.،‘][ أنا أنـتـظـر لـو الـيـديـن مغسولـه ][‘،.

قصيده من قصائد الشاعر / محمد الراشد
اتمنى تنال إعجابكم .







.،‘

صحيح أحبك من زمـان الطفولـه
يوم الشقا عن قرب الأطفال تايـب


حتى المحبة يـوم جتنـا خجولـه
مستغربة؟ طفلين صـاروا حبابـب


نضحك نسولف كل خافـي نقولـه
والحب مخفينـه ..نخاف القرايـب



وكل نشـد غاليه وش هي ميولـه
وقلنا سوى..نخشـى زمان العجايب


رعيـان نفـرح بالربيـع بْحلولـه
لاقفى الدهر من جيّـة الوسـم هايب


نفرح بساعات المطـر فـي هطولـه
وأنضيق اذا مافـي سمانـا سحايـب


وكان الفـراق الليل لأعلن وصولـه
ويروح ليلـي بـس أفكـر بغايـب


والصبـح كـل" كيـد ولـم ذلولـه
وكل" على الثاني من الشوق ذايـب


أحيانا أركـب والذلـول معقولـه
عجلان ..ماظنه عشـان الركايـب


مع الفرح مـرت سنينـي عجولـه
وكل" مشى في درب مثل الذهايـب


لاصوت لاصورة ولاشفـت زولـه
مدفون حي بدون قبـر ونصايـب


والعنّك ياشـي" يجـي بالسهولـه
مصيـرك تواجـه وراه الصعايـب


شفني ربحت الكاس قبـل البطولـه
وشفني خسرت الكاس يوم الكسايب


ماكـل شـي" لا بغيتـه تنـولـه
تمشي وترجع بأخر الوقـت خايـب


أخذت لي في نعمـة الحـب جولـه
وتغـيـر الواقـع بليـا سبـايـب


وأصبحت أعرف الحب عرضه وطوله
وعرفت وش معنى الـجروح العطايب



[ندعوك للتسجيل في المنتدى أو التعريف بنفسك لمعاينة هذه الصورة]




حب الطفوله يوم وصـل الرجولـه
تبدلت حالـه وشفـت المصايـب


بس أنت حاول قدر الإمكان تولـه
لوني على مركاي والـراس شايـب


أنت بخفوقي لـك ربـوع وحمولـه
وأبشـر بعـزك لوتهـب الهبايـب


حاول معي بالحب لو شفت ضولـه
ولا طيع شيطانك لعيـن الصلايـب


أنا أنتظـر لـو اليديـن مغسولـه
وسلم على رمشك عطيب الضرايب



وعزالله إنـي لاذكـرت الطفولـه
ودي أعود طفل لو صرت شايـب