تضيق نفسي لين يشره على قلبي فمي
و أنا أترجّى في أمنيات الحلول المزمعه
لا يبن أبوي شلون محتر و أطغي و أحتمي
[center]و الوقت لا منّه زما راس حضّي يقمعه
أن جيتها في الاصدقا أوف يا وفرة دمي
كم و احدٍ خلاّ جميلي على راس أشمعه
مانيب متحسّف جعل مال جافيني سمي
لان أدري المحراب ما هوب مثل الصومعه
تتغثبر الدنيا و لحظة صفوّ الأدمي
اليا سجد الله و سقّت دموعه مدمعه
وأنا أدمعت عيني وما اكميه عاده منكمي
بين أنتظام عروق قلبي مسوّي معممعه
ياوجد حالي و أنكساري و غيبي و عدمي
وجود من جمّع حلاله و ضاع اللي أجمعه
المشكله ما هيب نفسي وزلاّت قدمي
و ما هيب بحّة صوت أحبّه و لا عاد أسمعه
المشكله لا جات من بين دمّي و لحمي
مدري من أخلّي و لا أدري من اوقّف معه
قصيدة (( ركز معي ))
غني بربّي و الدعاء و الرفاقه [/center]
و قرم و ليا جت للقصايد مفوّه
بحرٍ تباعد غبّته عن زراقه
لأهل الغثا طيشه و لله هدوّه
ان زان وقتي خذت لذّة فواقه
و لوّه يشين يشين عادي و لوّه
بنكي رياجيل الشرف و البطاقه
جمايلي و أسمي و أكبر المروّه
من لابةٍ في ثقل أهلها محاقه
فعيونها كثر الاوادم يشوّه
الأكرمين أهل العقل والحماقه
هاذي فقط نبذه عن أهل العراقه
والسامي أيرجّح كلامه سموّه
عن أفتعالات الغضب والطفاقه
وعن المليىء اليا تبيّن خلوّه
حبّيت أبينلّك أصول اللباقه
مع واحدن غيثه يساابقه نوّه
وألاّ أنت كامل لاكن أن فيك عاقه
يمغيّرن فعيوني أصل العلاقه
لازمتني بحلا الدلع والشفاقه
وأدخلتني في حلم عمرك وجوّه
وحببتني في شي أسمه صداقه
وكرّهتني في شي أسمه أخوّه
ولفتني باو الغنج ولف ناقه
وأنا ولفتك ولف حاتم لضوّه
ولو نختلف بشيا الغضب والرواقه
ركّز معي ؟ للريح طلاّااق ساقه
وللشين شينن لانصا مايموّه
يعلم بئن حلم الكسول اللياقه
ويعلم بئن حلم العقيم الأبوّه
ويعرف متى نضج الورق وأحتراقه
خبير في الاحياء ماهوب توّه
ثورته لاجت تشعل ألفين طاقه
ماهيب شبّة قاز في جمر دوّه
منتب غبي جدّاا بلفظ الرشاقه
وأنا ذكي جدّاا وحبّيت أنوّه؟
لأنّك تنفّاس الحشا وأختناقه
روحك وقلبي لو بحلل وثاقه
مربوطتن في بعض هيّّا وهوّه
فن غبت يانفر العقل وأشتياقه
مانيب راغب بعد خوّتك خوّه
ببكي على زولٍ عشقته عشاقه
وترى البكى للأقويا زود قوّه
فن شفت أبن علوش يبكي فراقه؟
حي مني لا ذكرته دريت أني بخير
صاحبن لا شافني ضقت منه ضمني
يشتعل بي لين يطفى على العرق الاخير
و أنتثرله شوق و اليا أنتثرت يلمني
يا تنداي الخليه على طاقة حرير
يا مخوفني و قاطع رجاي و ممني
يا أمل يا خيبته يا متاهه يا مصير
خل قلبك لا تراخى الزمان يزمني
مابي الدنيا أبيك أنت لانك انت غير
جيت فحضانك طفل و أنت أبوي و سمني
شوف فوق وغن بسمي على اللحن القصير
و خصني في كل لمحة غرام وعمني
بشعل الدنيا عبير و بطفيها عبير
و لا بناشد من مدحني و لا من ذمني
جيت للدنيا كبير و بفارقها كبير
و من زعل ما همني و من رضى ما همني
قصيدة مهاو
اخـر حركـات التـدلـع iiوالغـنـا
[center]اللي اسمها(مها)وفـي الدلع(مهـاو)
فرفـوره تسلـف الشمـس iiالسنـا
مغويه ويطـرد وراهـا كـل iiغـاو
ان وقفت كل شـي ماتباعـد iiدنـا
وكل شي متلخبط مع الوقفه iiتسـاو
واليـا مشت؟قـال النمـل:الله iiلنـا
تقاو ياجوعي على صبـري iiتقـاو
ذروة ترف..ذروه غنج..ذروه iiهنـا
جمالهـا مايستوعـب iiوماينتـقـاو
فــي iiجنبها:نوره,وعبير,ومـنـى
شباب...وعند البل وكشختهم iiفـراو
مخلوق لامنه انثنـى يعنـي iiانثنـى
كل الزوايـا تستقيـم اليـا iiتـزاو
يابوي شـي لايوصـف ولا iiينجنـا
يسبب لك جـروح لايمكـن iiتـداو
مثال:لاجاعـت وطـال بهـا iiالعنـا
كل الحلاو اللي على هالارض iiجـاو
هي جايعه؟؟!يـارب تاكلنـي iiانـا!!
هذي سواليف الحلاو...مع iiالحـلاو
واليا كلت اطرف حلاوه مـن iiهنـا
كل الحلاو يشوفها ويقول((وااو))!!!
[b]قصيدة يابن العمومه
انا اليا منـي تضايقـت iiواحزنـت
[center]من ضيقتي تحزن لحزني iiجماعـه
لذا أكابر لأنـي ادركـت iiوايقنـت
انـي حريـق وخايفيـن اندلاعـه
بك يألهي عن عطا غيرك iiاعتنـت
يلي خلقت من الصناعـه iiصناعـه
لاضاق بي حالي توضيت iiواذنـت
وصليت لك يارب سمعن iiوطاعـه
مدامني عبـدك وبقـدارك امنـت
اكيـد ابصبـر لانفقدلـي طماعـه
لا يارفيقي ليت لازنـت iiماشنـت
امرضتني وانـا ماعنـدي مناعـه
كنت احسب انك لاتبينـت iiبينـت
واثرك مع البشعين تدرس بشاعـه
قسيت بي وانـا لقربـك iiتهاونـت
وكسبت ضيقت خاطري iiواتساعـه
اللي على امال تزويجهـا ادمنـت
اخذتها فـي قـرب جـد iiولكاعـه
ماوقفت دنيا بكبرهـا علـى iiبنـت
اللى يوقفهـا الرفيـق iiوضياعـه
يابن العمومه لاتحسبونـي iiشنـت
لا والذي تصبح بذكـره iiالاذاعـه
ماهوب هو لكن انـي كمـا iiكنـت
لا اخون فالصاحب ولا الوي ذراعه
على العموم اشكرك جدأ iiولاهنـت
اقنعتني في شي واصبـح iiقناعـه
من سخريت الاقدار اني انا iiوأنـت
يضمنـا جـد ونتسمـى iiجماعـه
(( يتبــــــــــــــــــع ))
[/center]